PRP12, giklarong kung walay reklamo, walay basehan sa pagpasirado sa mga investment entities

General Santos City—- Gipaklaro ni Police Lt. Col. Aldrin Gonzales, tigpamaba sa Police Regional Office 12 nga ayha pa man nagpagawas ug pamahayag ni Presidente Rodrigo Duterte bahin sa mga Investment Scheme, nagpahigayon na sila ug mga imbestigasyon.

Gani aduna na matud pay mga advisory nga gipagawas si Police Brig. General Eliseo Rasco bahin niini ug adayon pa ang ilahang mga imbestigasyon.

Sumala niya nga sa karon nagpa-abot pa sila nga adunay mugawas nga reklamante aron nga aduna silay mamahimong basihan sa pagpasirado.


Dugang pamahayag ni P/Lt. Col. Gonzales nga sa kabahin sa kapulisan, wala silay basihan sa pagpahigayon ug imbestigasyon o magpasang-at ug kaso gumikan wala silay makit-an nga mga reklamante sa bisan unsang investment scheme gawas sa ppm.

Saysay niya nga kung ipasirado gumikan sa kakulangon sa mga business permit, ang lokal nga panggamhanan maoy mumando niini gumikan sila man maoy nagahatag niini ngadto sa mga establishemento.

Apan gibutyag niini nga kung kinahanglangnon sa LGU ang ilahang presensya, andam sila nga muhatag ug siguridad.

Kalabot niini, gibutyag ni P/Lt. Col. Gonzales nga pareho lang ang mga balaud ug bisan pa man ang presidente maoy magag ug direktibang ipasirado, kung adunay igong dokumento, kinahanglan gihapon kini nga imbestigahan.

Sumala niya nga sa nahimong pronouncement s apresidnete, dili lang usa ka investment scheme ang maigo niini kundili ang tanan nga walay mga dokumentong legal.

Facebook Comments