PRRD mibisita sa lubnganan sa iyang amahan sa Death Anniversary

37

Davao City – Mibisita si President Rodrigo Roa Duterte kauban si Sen. Christopher Lawrence “Bong” Go kagahapon, adlawng Domingo (February 21, 2021) sa Roman Catholic Wireless Cemetery atol sa adlaw sa Death Anniversary sa iyang amahan nga si Vicente Duterte.

Sa eksklusibong interbyu sa DXDC RMN Davao kang Brgy. 8-A kagawad Jemma Icoy nga nag-una ang anak sa presidente sa pagbisita sa lubnganan nga si Davao City Vice Mayor Sebastian “Baste” Duterte.


Kapin 30 minutos ang gidugayon sa iyang pagbisita sa lubnganan sa iyang ginikanan bandang alas 6:38 sa gabii dayon mipauli ang Presidente.

Gidugang ni kagawad Icoy, mihatag usab og kapin 900 ka food packs, bugas ug mga delata ni PRRD nga gitunol sa barangay hall sa Brgy.8-A kagahapon ug karong adlawa gikatakdang ipang-apod apod kini sa mga residente sa nasangpit nga barangay.

RadyoMan Don Pulayao

Facebook Comments