PSSCC: No mobile signal shutdown sa inagurasyon

36
Davao City – Walay mahitabong shutdown sa signal sa mga cellular phones atol sa inagurasyon ni Vice President-elect Sara Duterte karong Dominggo sa dakbayan sa Davao.

Gikumpirma kini ni Public Safety and Security Command Center (PSSCC) Chief Angel Sumagaysay atol sa interbyu sa DXDC RMN Davao.

“Plastado naman ang security plan, implementation nalang kulang. I think enough na aron ma-security ang area,” matud niini.

Sumala ni Police Col. Alberto Lupaz, Davao City Police Office (DCPO) City Director, nag-inspeksyon ang DCPO-EOD-K9 sa mga establisyementong nagbaligya og mga wires, batteries electronic gadgets nga posibleng magamit sa paggama og bomba isip kabahin sa pagpahugot pa sa seguridad.

Gibisita usab sa kapulisan ang mga hotels, inns, boarding houses sa syudad aron masuta kung kinsa ang mga bag-uhay lang dinhi sa dakbayan aron masegurong walay makalusot aron maghimo og kasamok.

Matud sa security forces walay specific threat nga ilang namonitor, apan giabisuhan ang publiko nga ipatuman ang culture of security.



RadyoMaN Aimee Guinita

Facebook Comments