PSSCC: Regional borders gipalig-on batok terorismo ug krimen

26

Davao City- Nagpabiling naka-heightened alert ang Davao City aron masigurong luwas kini sa mga hulga sa terorismo ug sa uban pang matang sa kriminalidad.

Segun ni Public Safety and Security Command Center chief Angel Sumagaysay, gipalig-on pa sa mga security sectors ang pagbantay sa tanang mga border.


Matud ni Sumagaysay nakabantay ang Regional Security units sa checkpoint sa may Lumondao, Marilog ning syudad diin dinhi ang border sa Region 10 ug Region 11 aron walay makalusot nga mga dautang elemento nga buot musabwag og kasamok.

Sumala ni Sumagaysay, nagpabiling generally peaceful ang syudad ug walay direktang threat.

“Mao nay atong mantra with other uniformed units particularly ang three battalions under the 1003rd Brigade, the Task Force Davao, DCPO to include also 73rd Battalion nga naka-base sa Toril District. We really encouraging all the Davaoeños to embrace it (culture of security) kay kana siya nga kultura ang atong shield against any threats, against any forms of criminality and terrorism,” sumala ni Sumagaysay.

Nanawagan ang City Government of Davao sa tanang mga Dabawenyos nga kanunay magbinantayon batok terorismo.



Subay kini sa gipagulang warning sa Embahada sa Japan sa posibleng ilusad nga terror attack nga sa mga Southeast Asian countries apil na sa Pilipinas.

Ginadasig ang tanan nga mukooperar aron di na masubli ang pagpamomba sa dakbayan niadtong September 2, 2016 nga mikalas og 15 ka mga kinabuhi.


Kung adunay impormasyon nga madawat o mga suspisyusong mga indibidwal mutawag sa May Nakita? Dapat Magsalita! Hotline sa 0917-131-4333, 0999-227-1111, ug 082-224-0911.

RadyoMaN Aimee Guinita

Facebook Comments