Public apology ni Mocha personal decision

16

Davao City – Mag-agad lamang kang PCOO Asec Mocha Uson kung mangayo ba siya og dispensa o dili tungod sa nahimo niining controversial Federalism video tungod sa mga pagsaway nga na-angkon gikan sa publiko.

Sumala ni Davao City First District Councilor Mabel Sunga Acosta, Chair sa Committee on Peace and Order sa Davao City Council, way rason nga mangayo siya og dispensa sa tan-aw ni Uson nga walay sayop sa iyang gihimo apan kung aduna, depende kaniya.

Giingon ni Acosta, dili siya maghusga kang Uson.

Samtang malaumon si Acosta nga makalusot sa Kongreso ang Federalismo tungod kay seryoso si Pres. Rodrigo Duterte niini, luyo sa mga di maayong panghitabo sama sa gihimo ni Uson.

Giklaro usab ni Acosta nga mag-agad sa pamuno-nasud kung tanggalon o dili ang mga sakop sa gabinete sama sa gihimo ni Uson.

RadyoMaN Bernard Pantallon

Facebook Comments