Public Health Advisory gipagawas sa DOH og CHO

14

General santos City—Nanawagan karon ang Department of Health region 12 pinaagi sa tanan nilang mga Health Centers ngadto sa mga ginikanan nga nagpabakuna gamit ang Dengue Vaccine o mas naila sa Dengvaxia.

Sa pamahayag ni Dr. Butch Dulduco, ang Provincial Director sa DOH Sargen area nga walay gipahigayong vaccination ang DOH Region 12 sa mga kabataan gamit ang kontrobersiyal nga Dengue Vaccine.

Apan animado ang maong opisyal sa DOH nga adunay mga private clinic sa Region 12 ang nagbaligya og vaccine sa mga katawhan.

Tungod sa maong panghitabo nagpagawas karon og Public Health Advisory ang DOH sa mga ginikanan nga makig alayon ngadto sa tanang mga City Health og Provincial Health Offices aron mahatagan sila og insaktong impormasyon may kalabutan sa kontrobersiyal nga Dengue Vaccine.

Sa General Santos abli usab ang City Epidemiological Surveillance Unit sa tanang mga ginikanan nga nagpabakuna sa ilahang mga anak. Kahibaluan nga mukabat sa 700,000 ka mga grade four pupils sa tibuok Pilipinas ang natarukan og DengVaxia.

Nanawagan usab si Dr. Butch Dulduco sa mga ginikanan nga magmakalmahon lamang og dili dayon magpanic sa posibling mamahimong ipekto sa ilahang mga kabataan.(Emir Bariquit)

Facebook Comments