Duna nay lead ang kapolisan sa Puerto Police Station sa suspek nga mipusil patay sa 51 anyos nga lalaki sa Barangay Bugo ning syudad niadtong adlawng Sabado.
Matud ni Police Captain Mario Mantala- ang Station Commander sa Police Station 6 Puerto nga base sa ilang pakighinabi sa nakasaksi sa hitabo nga sa wala pa gipusil ang biktima nga si Antonino Canatoy Salaan, nakasinggit pa kini nga walay labot sa usa ka panghitabo.
Tungod niini pasakahan sa kapolisan ang mga suspek og kaso aron nga dili na usab mahadlok ang nasangpit nga mga saksi.
Nasayran nga ang mga suspek ang anaa lamang sa area apan gawas sulod sa ilang Area of Responsibility.
Gilantaw usab karon sa kapolisan ang trabaho sa biktima isip sakop sa Civilian Volunteer Organization kon CVO sa barangay ug ang pagpatuman niini sa istriktong pamalaod sa paradahan sa Barangay Bugo ning syudad.
