Roxas City, Capiz -Gintadlong sang PUI sa Capiz nga nagpositibo sa COVID 19 ang sala nga impormasyon nga ini ang ginbawian na sang kabuhi.
Sa eksklusibo nga interview sang dyVR RMN-Roxas, ginsiling sini nga naga-umpisa na sa pag-ayo ang iya pamatyag matapos nga ini ang gindalar sa Western Visayas Medical Center sa syudad sang Iloilo.
Ginpunto sini nga wala niya gingusto ang matabu sa iya.
Mas maayo na lang nga sa iya nagtapik ang COVID 19 virus sa baylo nga sa iban ka tawo bangud mas nakahibalo siya mag-handle sang sitwasyon.
Suno diri nga umpisa sang makapauli sa Capiz, nagbatyag ini sang sobra nga sore throat, kakapoy,mataas kag pabalik-balik nga lagnat kag palanakit sang kalawasan.
Diri, siya nagdisider nga magpakunsolta sa doktor sa syudad sang Roxas sang Marso 16. Kasunod sini siya ang ginpaidalom sa quarantine sa Roxas Memorial Provincial Hospital.
Mahibaluan nga ang 45-anyos nga pasyente amu ang pinaka-una nga positive coronavirus disease (COVID-19) patient sa Capiz kag ika-apat sa bilog nga Western Visayas.
