PUJ Driver nga namaligya pod og shabu,sikop sa buybust operation

Davao City – Tingkagol sa selda sa Sasa PNP ang usa ka PUJ driver human nadakpan sa buybust operation.

Giila ang suspek nga si Rozalde Cano-og, 32 anyos, minyo, residente sa Malagamot, Panacan ning syudad.

Gilayon gipusasan sa mga operatiba ang suspek human gitunol niini ang usa ka sachet sa gitohoang shabu sa pulis nga nagpaka-aron-ingnon nga puseur buyer 11:40 sa gabii.


Nakumpiska gikan sa posisyon sa dinakpan ang 500 pesos nga mark money ug uban pang gamit sa ilegal nga transaksyon ni Cano-og.

Sumala ni Police Senior Inspector Noel Villahermosa, hepe sa Sasa Police nga dugay na nilang gipailawom sa surveillance ang suspek.

Pasakaan og kaso ang suspek subay sa kalapasan sa republic act 9165 kun comprehensive dangerous drugs act of 2002.

Kasamang Joel Viray

Facebook Comments