PUJ ug taxi drivers ipa-ilawom ba sa rapid test?

12

Davao City – Wala pay rekomendasyon sa mga doktor nga ipailawom sa Rapid Diagnostic Test (RDT) ang mga drivers sa jeep ug taxi dinhi sa dakbayan sa Davao.

Kini ang tubag ni Davao City Mayor Inday Sara Duterte-Carpio subay sa mga pangutana og ipailawom na ba ang mga nahisgutan sa rapid test.


“Wala pa ko kakita ana sa recommendation sa mga doktor. Magdepende ang atoang testing sa recommendation sa doctor and usually because of limited testing naka-focus ang atoang testing sa pagpangita sa mga contact na nagpositive sa isa ka confirmed positive,” segun ni Mayor.

Samtang gibutyag ni Maning Duran, Presidente sa Southeastern Mindanao Diversified Drivers & Operators Cooperative (SEMDOCC) nga pabor sila kung ipailawom sa RDT ang mga drivers.

Gisugyot niini nga kinahanglang adunay i-isyung health certificate nga nagpamatuod nga cleared sa COVID-19 ang mga drivers una tugotang makabiyahe alang sa safety usab sa publiko.

RadoMaN Aimee Guinita

Facebook Comments