BACOLOD CITY – Nag-expire gid ang “dibuenas” sang isa ka kawatan matapos ini nadakpan sang isa ka police officer sa akto nga ginakuot ang bag sang isa ka senior citizen pasado la una kahapon sang hapon sa atubang sang Old City Hall sa dalan Luzuriaga, ciudad sang Bacolod.
Ang suspek ginkilala kay Rolando Pegura, 39 anyos ang edad, tumandok sang Purok 7, Brgy. Cabacungan, banwa sang La Castellana.
Nakilala naman ang biktima nga si Glorieta Palada, 65 anyos ang edad, pumuluyo sang Purok 7, Brgy. Handumanan, Bacolod City.
Base sa record sang Police Station 1, ang suspek ang nadakpan mismo sang ila isa ka police officer nga naga-roaving nga si PO3 Andy Bigcas sa akto nga ginakuot niya ang bag sang biktima kag nakuha niya ang isa ka pouch nga gilayon naman na-recover halin sa iya.
