Pulis ginpusil an iya kalugaringon, patay

1296

TACLOBAN CITY – Nagpakamatay an usa nga pulis gamit iton pusil ini an nakit-an ha CCTV Camera ha imbistigasyon han Tacloban City Police Office. Nakit-an an patay nga lawas ha banwa-on nga lugar harani ha Department of Budget and Management o kun DBM Regional office ha Brgy. 77 Marasbaras syudad han Tacloban kanina han 6:05 han aga, Oktubre 14, 2017.

Ha kuha han CCTV Camera, alas 3:05 han amagahon kanina nagpakamatay an mao nga pulis.

Sumala han Tacloban PNP, ginkilala ini nga hi SPO4. Dennis Diaz, 47 anyos, may asawa ngan presente nga naka assign ha San Isidro Leyte Municipal Police Station.

Sumala han tagapagyakan han Tacloban PNP nga hi PCInsp. Rex Cantillep, usa gihapon nga pulis an asawa hini nga naka assign ha Tacloban PNP station 2.

Naangkon ni Diaz an igo hin pusil ha iya ulo.

Padayon pa an gindudumara nga imbistigasyon han mga otoridad kun ano an hinungdan han pagpakamatay han usa nga myembro han pulisya.

Facebook Comments