Pulis gituok ang uyab-sulod sa tunghaan

General Santos City—gireklamo sa usa ka 19 anyos nga college student ang uyab niining pulis human syang gituok samtang siya anaa sulod sa compound sa iyang eskwelahan sa may Barangay Lagao Gensan.

Biktima itago lang sa pangalan alias Charise, 19, residenti sa Barangay Mabuhay ning syudad. Samtang ang suspek giilang si Charlie Recaña, Capaque, PNP member nga nakabase sa Gensan City Police Office.

Sa inisyal nga imbistigasyon sa police Station 3 nasuta nga alas 3:00 ang takna sa hapon, Lunes, August 28, 2017 nag-practice ug cheer dance ang biktimang si Charise sulod sa compound sa Golden State College nga nahimutang sa San Pedro Street, Barangay Lagao.


Kalit miabot ang police nga si Charlie sakay sa iyang motorsiklo. Sila nag estorya nga misangko ngadto sa panaglalis hantud nga gituok sa maong pulis ang biktima.

Ang insidenti nakakuha ug atensyon sa tag-iya sa tunghaan nga si Warren Manilay, gitabangan ang biktima samtang ang pulis paspas nga misibat.

Gilayon usab nga mipatala sa buhatan sa Police Station 3 ang biktima uban ang nanag-iya sa tunghaan nga si Warren Manilay.

Subay sa impormasyon, nakaabot na sa buhatan ni Police Sr. Supt. Romeo Ruel Berango ang labaw sa GSCPO ang insidenti ug iya nausab gipatawag ang nasangpit nga pulis.

Facebook Comments