Pulis nakuhaan og iligal nga droga sa Mati

Davao City – Nakuhaan og gidiling droga ug eksplosibo ang behikulo sa usa ka pulis atol sa gipahigayong vehicle check ug Oplan Davao Oriental Kalinaw sa kapulisan sa Mati alas 3:30 sa kahaponon.

Base sa rekord sa Police Regional Office XI (PRO-XI), ilang gidudahan nga peke ang plate number sa usa ka sakyanan nga Montero Sports nga adunay plaka nga PKD 634 rason nga ila kining gisundan.

Ang maong behikulo misutoy sa may Lawaan St., Brgy Central, Mati City dayon gibiyaan sa pulis ang maong sakyanan kinsa nailhan nga gipanagiyahan ni PO2 Luis Pantig Gabrinao Jr., kasamtangang nakadestino sa IGACOS CPS, DNPPO, 33 anyos nga taga Davao City.


Nakuha gikan sa behikulo sa maong pulis ang usa ka Granada, usa ka sachet sa shabu, duha ka empty sachet nga adunay shabu residue, usa ka passport ug mga drug paraphernalia.

Si Gabrinao magatubang og kasong paglapas sa R.A. 9165, R.A. 9516 ug mag atubang usab kini og administrative sanctions.

Sa karon nagpadayon ang imbestigasyon sa kapulisan kalabot niini nga insidente ug aron usab maaresto ang suspetasdo.

RadyoMaN Abi Bibera

Facebook Comments