Pulis nga miluba-patay sa iro walay intensyon mupatay – Kapitan

Davao City – Walay intensyon nga patyon ni Police Chief Master Sgt. Julius Garcia ang usa ka alagang iro nga si Gabriella subay sa pamahayag ni kanhi Brgy. Kapitan Kim Garcia sa Brgy 2-A siyudad sa Davao human nahinabi sa RMN Davao.

Matud ni Garcia nga wala gituyo ang pagpatay sa maong iro ug aksidente lamang nga nahitabo.

“Didto na nagkaengkwentro nga daghan kaayo’g tao… naputong na siguro siya wala toy intensyon nga patyon niya ang iro, iya lang paagian ba kay di man gyud mahipos ang iro,” saysay niini.


Segun niini nga iyang paningkamutan karong semanaha nga magka-atubang ang duha ka pamilya aron mahusay ang maong problema.

Pagpaklaro ni Garcia, kinsa ig-agaw ang kontrobersyal nga pulis, nga walay nahitabong pagpangharas ngadto sa tag-iya sa iro taliwala usab sa impormasyon nga migula sa social media diin nahadlok matud pa ang amo ni Gabriella sa maong pulis gumikan duna kini koneksyon.

Kahinumdoman nga ni Police Chief Master Sgt. Julius Garcia ang ang iro nga si Gabriella kinsa gipanag-iyahan ni Noel Abanales samtang nga naglamay sa iyang silingan niadtong panahona.

Gani nag-trending ang video sa social media sa amo ni Gabriella kinsa nahisubo samtang nagtrapo sa dugo sa iyang namatay nga alaga ug mi-ani kini og ubay-ubay ka mga reaksyon.

RadyoMaN Don Pulayao

Facebook Comments