Dumarao, Capiz- Nakaguha na sa karsel sang Dumarao PNP si Patrolman Mamerto Arellano, suspek sa pagluthang-patay sa biktima nga nakilala kay Renato Pampag y Soldevilla, 43-anyos sa Barangay Sagrada Familia, Dumarao.
Ini makaligad nga nagtapos na ang reglimentary period sa pagkustodiya kay Patrolman Arellano.
Bangud sini, igapasaka na lamang paagi sa regular filing ang kaso nga homicide kontra sa nasambitan nga PNP personnel.
Madumdoman nga ginbawian gid sang kabuhi ang biktima nga si Pampag matapos nag-angkon sang kapilasan sa lawas tuga sang. 9mm caliber pistol.
Ginpahayag sang hepe sang Dumarao PNP nga si Police Captain Larnel Frial, base sa inisyal nga imbestigasyon pauli na ang suspek kaupod ang hinablos sini sang magluntad ang komprontasyon.
Una nga ginlabo sang biktima ang hinablos sang suspek kag ini ang napilasan sa butkon.
Tuyo pa nga lab-on ni Pampag si Patrolman Arellano kabangdanan nga ini ang gin-unahan na lamang niya sa pagluthang.
Nagaguha sa imbestigasyon sang kapulisan, nga away sa duta ang kabangdanan sang nasambitan nga krimen.
