Miani karon og mga pagdayeg ang pulis nga namatay human niini gihimong taming ang kaugalingon sa granada nga gilabay sa us aka tigulang ng nag-wild sulod sa Initao Community College sa Initao, Misamis Oriental kagahapon sa buntag.
Mahinumduman nga namatay sa insedente si Police Senior Master Sergeant Jason Magno sa Initao Municipal Police Station human gisakripisyo ang kaugalingon aron ma protektahan ang mga tawong naa sa area.
Gikaguol sa mga kauban ni Police Senior Master Sergeant Magno ang iyang pagkamatay pero magpabilin matud pa sa kasing-kasing ug huna-huna sa tanan ang bayanihong gibuhat niini.
Samtang, gibutyag ni Misamis Oriental Provincial Police Office Spokesperson Princess Joy Enriquez nga nakagawas na sa ospital ang 15 ka samaran sa maong pagbuto sa granada apan padayon pang gitambalan karon ang usa pa ka samarang pulis nga si Police Master Sgt. Alice Balido.
