Pulis nga naunay sa armas , patay na

Nakabsan gyud sa iyang kinabuhi kagabii ang pulis nga giingong naaksidente sa iyang armas samtang nagpahigayon ug surveillance sa lungsod sa Pinamungajan.

Ang tigpamaba sa Police Regional Office-7 nga si Supt. Reyman Tolentin nibutyag nga gipahibawo sila sa kabanay ni SPO1 Roderick Balili labot sa pagkamatay niini tungod sa kadaut nga naangkon sa iyang lawas.

Kagahapon lang gipahibawo ni Police Regional Office-7 Director, Chief Supt.Debold Sinas nga stable na ang kondisyon ni Balili , subay sa pag-angkon nga adunay usa ka pulis nga samdan ug naa sa pribadong tambalanan sa Cebu City.


Apan giklaro ni Sinas nga si Balili naunay sa iyang armas dihang nagsurveillance kini sa habagatang Sugbu batok sa usa ka drug personality ug dili tinood nga usa kini sa niambush sa PDEA-7 Officer nga si Von Rian Tecson sa Perrelos, syudad sa Carcar.

Facebook Comments