Pulis nga tambok paniwangon,Fun Run ipahigayon

Pagadian City, zamboanag del Sur – Kabahin sa pagpalambo sa kondisyon sa panglawas ug pag-ugmad sa maayong gawi sa Philippine National Police, Provincial Advisory Council ( PAC) ug ang Zamboanga del Sur Police Provincial Office gikatakda na karung nobyembre 18 ang usa ka Fun Run.
Ang 5k Fun Run pagasugdan alas 4 sa kadlawon sa Plaza luz atubangan sa City Hall ngadto na sa sentrong bahin ning syudad og mubalik ra usab sa Plaza Luz alang sa mubo nga programa.
Sumala ni Major Usman Edding, ang hepe sa Provincial Police Strategy Management Unit ( PPSMU ), nahukman sa grupo nga maglusad og Fun Run arun mapabilin ang lawasnon nga kabaskog sa kapulisan.
Giangkon usab ni Edding nga pipila sa mga police officer sa probinsya ang nag-atubang sa overweight na kun subra ang timbang rason nga maglisud pagpakigbatok sa mga kriminal.
Gibana-bana nga muabot sa 400 ka personahe ang moapil sa maong aktibidad.
Gipaklaro usab ni Supt. Eddie Recamara , deputy provincial director for administration nga abli ang maong Fun Run sa uban nga ahensya sa gobyerno ug mga stake holders.
Kolektahan ang musalmot og P100 og ang kita niini idapat sa lanag sa dugang kahimanan sa ZSPPO.

Facebook Comments