Pulis patay sa pagbungguanay sang duha ka traysikol sa syudad sang Bacolod

Patay ang isa ka pulis samtang pilason ang apat ka iban pa sa pagbungguanay sang duha ka traysikol sa Vista Alegre Access Road, Brgy. Vista Alegre, Bacolod City.

Ginkilala ang napatay kay Patrolman Ivan Ray Dela Cruz, 25-anyos, residente sang Prk. Hervabuena, Brgy. Villamonte, Bacolod City, kag naka-destino sa Boracay Police Station, Malay Aklan.

Samtang pilason naman ang mga upod nga pasahero ni Dela Cruz nga sanday Cinderella Diancin, 26, sang Lumina Homes, Brgy. Vista Alegre, kag Shellene Villanueva, 28, sang Brgy. Villamonte, kag ang mga drivers nga sanday Nemwil Perolino, 32, sang Prk. Sabis, Brgy. Villamonte kag Fernan Agolino , 44, sang Villa Otto, Vista Alegre, Bacolod City.


Santo sa imbestigasyon sang Police Station 7, las-8:30 sang gab-i, Oktubre 10 sang ginamaneho ni Perolino ang traysikol nga ginasakyan nanday Dela Cruz, Diancin kag Villanueva kag gina-usoy nila ang west to east nga direksyon sang aksidente nga nagbunggo sa sugata nga ginamaneho naman ni Agolino.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments