Pulis "person of interest" na matansa del otro pulis

Un pulis con quien ahora ta considera como person of interest en conneccion na matansa di SPO4 Abdurahman Estino del martes por la tarde. Asegun con el portavoz del City Police Office si Insp. Edwin Duco, con le mencionao pulis ya tene que des arma amediante el investigacion ta conduci. Nohay quere nombra si Duco con el pulis con quien este maga tiempo gende pa puede considera como suspechao porcausa ta sigui pa continua pipina maga evidencia en contra con este. Ya queda person of interest el mencionao pulis despues ta semega este con el gunman quien ya repifica de tiro con Estino y con el deste pariente si SPO2 Abdulmunir Estino donde ya tupa tambien bala perdida con el guardia del tienda de motor donde el incidente ya sosede. asegun posible ay planta caso na corte encontra con el pulis el momento ay sale na imbestigacion amo este el unu del dos persona tiene que hace na tiroteo.

Facebook Comments