Wala damha ang kamatayon sa usa ka sakop sa Philippine National Police human kini naaksidente niadtong adlawng domingo sa may 7:15PM didto may sa Brgy. Lapu-lapu, lungsod sa PiƱan.
Nasayran ang biktima mao si PO3 Oscias Garcia Zamora, 49 anyos, aktibo nga myembro sa pnp ug naka destino kini sa Dipolog CPS, nagmaneho kini sa kolor pula Honda XLR nagtangag sa plaka numero JL 2148.
Sa gihimong pag imbistiga sa kapulisan sa PiƱan, matod pa ang biktima mibisita kini sa iyang panimalay nga anaa nahimutang sa El Paraiso, lungsod sa La Libertad sakop ning probinsya ug sa dihang mipauli na kini aron mo duty dinhi sa Dipolog CPS sakay sa iyang motorsiklo pag abot niini sa lugar nahitaboan, partikular sa may ngitngit nga dapit nga kung diin adunay gibuhat nga kongretong tulay nga iya sa DPWH.
Butyag pa sa imbistigador nga si PO2 Emee Rabaya Monceda, aksidenteng nabangga si PO3 Zamora sa usa ka non-reflectorized warning signage, hinungdan nga maayong pagkabalintong ngadto sa yuta nga ga undok ug sa mga bato nga anaa sa may toong bahin sa tulay.
Gawas sa iyang pagkabalintong nahulog pa gyud kini sa kinalutan nga gihimoon ug tulay ug ang nawong niini nabunal pa gyud sa kilid sa concrete bridge.
Dali pa kining gidala sa balay tambalanan alang sa hinanaling medikasyon, apan pipila lang ka minuto ang milabay gibawian ra gihapon kini sa iyang hinulamang kinabuhi.
