Pulis ug sibilyan nag dwelo-pulos patay

94


General Santos City—samang patay ang usa ka pulis ug usa ka sibilyan human nag dwelo gawas sa usa ka imnanan sa may Barangay Tambler, General Santos City.


Dungan nga natumba ang Pulis nga si PO2 Rey Florendo, 32, Intel Operative nga nakabasi sa Fatima Police Station ug Sem Bayot, legal age nga taga Stella Mariz, Barangay Tambler human nagpinusilay atubangan sa teretorio San Miguel nga nahimutang sa samang Barangay.


Ala 1:30 ang takna sa kabuntagon kagahapong adlawa March 30, 2017 dihang nahitabo ang insidenti. Sa inisyal nga imbistigasyon nasuta nga anaa sa maong lugar ang Pulis nga si Florindo gumikan nga nakigtagbo kini sa iyang Alpha alang sa ua ka operasyon  nga ilang giplanuhang ipahigayon.


Anaa usab ang sibilyan nga si Sem bayot sa lugar nag-inum uban sa iyang mga amigo. Niadtong higayona nasuko si Bayot gumikan kini nag selos sa iyang uyab nga nagtrabaho sa maong imnanan human nga giagbayan matud pa sa usa ka lalaki.


Tungod niini siya mipabuto sa iyang pusil nga usa ka kalibre 45 nga pistola. Gipasagdan lang una sa pulis ang suspek pag gawas niini sa imnanan didto na niini gisundan ang nahisgutan ug gisita tungod sa iyang gihimo.


Apan kalit mibunlot sa iyang pusil ang suspek ug nakigdwelo sa pulis nga hinungdan sa ilang kamatayon. Gidala pa sa ospital ang mga nahisgutan apan  gideklara silang dead on arrival.


Rmn Gensan, Rose Sioco, Inah Daven, Bryan Oñate

Facebook Comments