Pulis ug tulisan patay sa engkwentro sa Davao de Oro

156
Davao City – Nagpadangat karon og pahasubo ang Davao de Oro Police Provincial Office human namatay atol sa law enforcement operation ang usa ka pulis nahitabo sa Barangay Magsaysay, Nabunturan, Davao de Oro kagahapong adlawa, May 25, 2022.

Giila ang maong pulis nga si PSSG Erull Millana kinsa nagpatrolya niadtong tungora human dunay usa ka tricycle driver ang miduol kaniya ug nagpatabang gumikan gitionan og armas ang iyang igsuon sa duha ka mga lalaki.

Nagginukdanay pa si Millana ug ang mga wala mailhing suspetsado nga misulay og ikyas gamit ang motorsiklo nga walay plaka apan pag-abot sa nasangpit nga lugar minaog ang backrider ug mitago sa
culvert.

Gani sa pagduol nila ni PSSG. Millana ug PCpl. Rogelio Golo, Jr. kalit silang gipamusil ug mibalos kini nga miresulta sa pagkamatay diha-diha sa backrider ug pagkaigo ni Millana sa tiyan nga bahin apan nakaikyas ang laing suspek nga nag drive og motor.

Gisulayan pa og tabang si Millana apan nakabsan kini sa kinabuhi.

Narekober sa crime scene ang duha ka live ammunition ug 11 ka basiyo sa caliber 9mm, usa ka motorsiklo nga dunay yawe, 11 ka live ammunition sa 9mm nga nakuha sa bulsa sa suspek, ug usa ka 9mm nga pusil sulod ang usa ka magazine nga dunay 9 ka bala.



RadyoMaN Jason Amisola

Facebook Comments