PULIS YA CONFISCA MAGA " BULLCAP" NA PASEO DEL MAR

Amediante con el anuncio cosa ta privini el otoridad usa na maga lugar donde ta conduci el actidad del Zamboanga Hermosa festival notable chene pa siempre el quien hende ta sigui.
Este ya bene despues mucho siempre el con quien ya cuji y ya confisca cosa ta privini usa ante pirmiti atende con el actividad.
Asegun con el portabos del mando pulisiya local Insp. Edwin Duco, notable chene del maga vivientes el consumido canila cosa sila ta implementa maga reglamento, pero quiere aclara si Duco que ta ase lang sila el diila trabajo para na bien del del ciudad.
Ayer durante el conducta del main program na paseo el street dance competition unu-unu ta chekia el maga pulis ambos na maga mujer y ombre y ta manda presenta identification card.
Pero masquin sabe ya el maga vivientes cosa el ta prohibi entra na maga lugar donde ta conduci el actividad del Zamboanga Hermosa Festival 2017 chene siempre el ta viola.
Ayer monton del maga sombrero o ” Bullcap ” el ya confisca na paseo del mar. si Duco ya habla hende sila ta pirmiti entra na paseo usando bullcap si hende canila deposita.
mientrastanto, ta rindi siempre gracias si Duco cay masquin paquilaya ta coopera canila el maga vivientes. Hermie Ventura

Facebook Comments