PULO KA TAWO NGA NAGA-TRABAHO SA FISHPORT NGA TAGA MAASIM, GI-QUARANTINE HUMAN MAGPOSITBO SA RAPID TEST

15

General Santos City– Gi-angkon ni Maasim Mayor Zyrex Pacquiao nga daghan ang mga nagpositibo sa ilahang gihimo nga rapid test hilabina ang mga naga-deliver sa Gensan Fishport kung asa mokabat sa napulo ang nagpositibo.

Nauna na matud pa silang gipa-ilalom sa quarantine ug swab testing human nga makatala ug pipila ka kaso sa covid 19 ang Gensan Fishport.

Pasalamat usab sila nga temporaryong i-lockdown sugod karong adlawa ang market 1, 2, 3 ug 4 sa Fishport alang sa pagahimuon nga contact tracing.

Dugang pamahayag ni Mayor Pacquiao nga nagpatuman na usab sila ug hugot nga border control sa ilang lungsod ug wala na ginatugutan ang bisan kinsa nga mugawas-sulod.

Nauna matud pa nilang gi-suspendi ang essential pass ug ginatugutan lang ang mga emergency nga lakaw o dili ba kaha ang mga transaksyon sa panggobyerno nga bangko.

Pagpaklaro niya nga bisan ang mga fish car ang wala ginatugutang musulod ug gawas sa Maasim. Tumong niini aron malikayan nga madugangan pa ang ihap sa mga nagpositibo sa virus gumikan dili nila gusto nga mabalewala ang ilahang ginahimo batok covid 19.(LVR)

Facebook Comments