Pulong mi-file na og CoC isip 1st District representative sa syudad

Davao City – Mi-file na og certificate of candidacy si Presidential Son Paolo ‘Pulong’ Duterte isip representative sa 1st District dinhi sa Davao City.

Ganinang alas-12 sa kaudtohon mihidangat ang kanhing bise mayor sa syudad sa Comelec office uban iyang igsuon nga si Davao City Mayor Sara Duterte-Carpio, bayaw niini ug bana ni Inday nga si Atty. Manases Carpio ug uban pang suod nga higala ni Paolo.

Sa usa ka media interview, miingon si Pulong nga ang pagdagan niini isip kongresista nasabutan sa ilang pamilya.


Sumala ni Paolo nga gitambagan kini sa iyang amahan nga si Presidente Rodrigo Duterte nga padayong manerbisyo sa katawhan sama sa iyang gibuhat dinhi sa Davao City.

Nagtuo si Pulong nga andam kini sa iyang gidaganan nga posisyon ilabi pa nga anaa ang suporta sa iyang pamilya ug katawhan kung mudaog man kini nga representative sa 1st District sa dakbayan sa Dabaw.

RadyoMaN Abi Bibera

Facebook Comments