Pulong mibisita sa lubnganan ni Nanay Soleng

Davao City- Mibista si Davao City Vice Mayor Paolo “Pulong” Duterte sa lubnganan sa iyang apohan, si Nanay Soleng Duterte sa Wireless Cemetery isip pagtamod sa adlawng natawhan niini alas-12:30 sa udto.

Nagdagkot og kandila ug nagdalit og bulak ang Bise Mayor sa puntod sa iyang lola ug dayon nag-ampo ug milungtad og 30 minutos ang pagpundo ni Pulong sa sementeryo.

Una miduaw sa lubnganan kang Nanay Soleng si VM Duterte, nag-preside una kini sa regular session sa konseho ning siyudad kaganinang buntag.


Nasayran nga nahimugso aning kalibutana si Nanay Soleng niadtong buwan sa Nobyembre 14, 1916 ug hingpit mipanaw niadtong Pebrero 2, 2012.

RadyoMan Joel Viray

Facebook Comments