Pulso Dabawenyo: Urban flooding measures angay tubagon

17

Davao City – Bisan pa man kun gipahugtan ang Ecological Solid Waste Management measures sa dakbayan sa Davao, aduna gihapoy mga malapason niini nga importanteng matang sa regulasyon.

Daw nagsakit ang dughan sa 98% sa mga respondents sa reaction sa main issue sa programang ‘Straight to the Point’ kaganina kinsa nabalaka sa kawalay pagpakabana sa tawo sa kun unsa ang mga di-maayong epekto sa pagpataka’g labay og basura sa atong kasapaan.

Hinoon, adunay 2% ang nigula nga walay direktang komento kabahin sa isyung urban flooding bunga sa grabeng pagbundak sa tubig-ulan dala sa mga katalagman sama ni bagyong Vinta ug uban pa.

Gipanghinaut sa ubang mga STP listeners nga mamahimo kitang mas responsable sa paglabay sa atong mga basura diin angayang magsugod kini diha sa matag panimalay haron masalbar kita sa dautang implikasyon sa pagpabaya sa pag-atiman sa atong kinaiyahan ug kakulang sa mga imprastraktura sama sa drainage master plan.

RadyoMaN Jason Amisol

Facebook Comments