Pumuluyo sang Candoni nakabaton shelter assistance sa provincial government

12

May kabug-usan nga 680,000 pesos ang natigayon nga mapang-hatag sa mga residente sang munisipalidad sang Candoni nga amo naman ang mga recipient sang emergency shelter assistance program sang gobierno probinsyal sang Negros Occidental.

Si Gov. Eugenio Bong Lacson amo ang personal nga nag turn-over sang cash assistance nga ginpatigayon sa Brgy. West Covered Court sadtong Miyerkules (July 1) pinaagi sa Provincial Social Welfare and Development Office (PSWDO).


Suno kay PSWDO Head, Merle Garcia nga ang mga benepisyaryo amo ang mga informal settlers nga naapektuhan sang pagpatukod sang public market sang banwa subong man road widening projects.

Kapin sa 68 ka mga benepisyaryo ang nakabaton sang tag-10,000 pesos kag may dugang pa nga makabaton sang kangay na assistance sa masunod nga mga binulan.

Nagtambong sa turn-over ceremony si Mayor Cicero Borromeo, Vice Mayor Loriemae Gargar, kag iban pa nga local officials.

[image: image.png]

Facebook Comments