BACOLOD CITY – Duha ka puno sang gina-suspetsuhan Marijuana ang natigayon nga ma confiscate sang mga katapo sang Police Station 4 halin sa isa ka bakante nga lote sa Villa Angela Subdivision, Brgy. Villamonte, Bacolod City.
Suno sa Police Station 4 nga nakabaton sila sang tawag halin sa concerned citizen nga nagasiling nga may nakita sila nga tanum sang marijuana sa isa ka bakante nga lote sa amo nga subdivision.
Bangud sini, nag respond ang mga pulis may mga las 10:45 kahapon sang aga kag didto ila nakita sa vacant lot sa Ipil Street, Villa Angela Subdivision ang duha ka marijuana plant nga nakatanum sa itom nga plastic bag.
Ang amo nga mga tanum sang marijuana ang gin endorse na sa amo nga istasyon sang pulis for safekeeping./DYHB NEWSROOM
