Punong Barangay sang Felisa nagklaro sa nag-viral nga video

34

Nasabat na ni Brgy. Felisa, Punong Barangay Ramon Jardin ang nag-viral nga video nga gin-upload sang isa ka residente sang Purok Totong 1, Brgy. Felisa angut sa alleged misconduct kag indi pagsunod sa protocols sang mga BHERTS sa COVID-19 patient.

Paagi sa Facebook Page nga Brgy. Felisa, Bacolod City, ginklaro ni Jardin nga nagkadto gid lamang sa amo nga puluy-an ang mga BHERTS sang ila barangay agud magpabalo sa nag-positibo nga pasyente kag sa iya man pamilya agud nga maka-preparar bangud nga ang mga staff sang CDRRMO ang manug-kadto na agud nga kuhaon ang pasyente.


Ginduso ni Jardin nga indi gid man trabaho sang BHERTS nga magkuha (extract) sang positive patients halin sa ila balay agud dal-on sa quarantine facility kag klaro sa ila kon ano lang ang papel nga ginhatag kag gin-instruct sa mga BHERTS.

Ginapanindugan sang Punong Barangay nga indi ensakto kag makatarungan nga pakamalatuon ang ila mga frontliners nga naga-obra gid lamang sang ila trabaho kag naga-risgo sang ila kabuhi para lang mag-assist sa mga pasyente nga nag-positibo.

Nahibaluan nga ang Brgy. Felisa ang isa sa mga COVID-free barangays sa Bacolod sa nakaligad na karon nga pila ka semana.

[image: image.png]




Facebook Comments