Total de saiz paquete de shabu ya puede recobri el maga pulis desde con un suspechao drug pusher durante el buybust operation na Seaside, Baliwasan del Miercoles denoche.
Maga pulis ya nombra con el suspechao como si Allan Apolinario Ladjahassan, 35, casao.
Ya ecercula conele el maga pulis del Central Police Station despues le ya bende un paquete de shabu con elpolice undercover.
Pero cuando aguantao ya el suspechao, ya puede pa recobri maga pulis otro sinco paquete de shabu na possession.
Ya puede tambien recobri maga pulis con el P200 marked money.
Con el suspechao ya detene mientras con el maga shabu ya entrega na PNP Crime Laboratory.
Facebook Comments
