Davao City – Dead on Arrival sa Southern Philippine Medical Center ang usa ka drug pusher human misukol sa kapolisan atol sa gipahigayon nga Anti Drug Operation nahitabo ala 1:45 sa hapon didto sa Purok 6, Brgy Tomas Monteverde, Agdao syudad sa Davao.
Subay sa spot report gikan sa Sta Ana Pnp naila ang napatay nga mao si Anacito Delante alyas Bantol, 38 anyos nagpuyo sa Brgy 23-C ningsiyudad.
Matud pa sa dihang gikasa ang buy bust operation malampuson napalitan ang suspek og droga apan kalit kini mibunlot og .38 revolver ug gipangposil ang mga police rason nga mibalus ang mga otoridad hinungdan sa pagkaigo sa suspek.
Narekober sa suspek ang napulo ka sachet sa gituohan marijuana powder ug laing pang usa ka putos nga dunay pinaugang dahon sa marijuana nga mokantidad og 1,500.00 pesos lakip nakuha ang 100.00 pesos nga buy bust money,.38 revolver nga walay serial number, upat ka bala ug usa ka basiyo sa 9mm caliber.
Sa imbestigasyon sa kapolisan ang suspek nalambigit usab sa pagpangawat ug pagpanguot samtang ang patay’ng lawas niini anaa sa morgue sa Southern Philippine Medical Center.
RadyoMaN Don Pulayao
