Pusil nga gingamit sa pagluthang patay kay Kapitan Bermil kag is aka drug surrenderer isa lang.

Ginkumpirmar ni P/Supt RonaldPenaverde, hepe sang KCPS nga isa lang ang armas nga gingamit sa pagluthang patay kay Kapitan Baltazar Bermil sang Barangay Topland, kag Cleto Cabrido sang Brgy. New Pangasinan syudad sang Koronadal sang Agosto 9, 2017.
Ini matapos nga naggwa suno pa sa resulta sang ballistic kag cross matching examination sang Provincial Crime Laboratory Office nga pareho ang bala nga gingamit sa duha ka mga biktima.
Madumduman nga pasado alas dyes sang aga sang Agosto 9 ginluthang si Kapitan Bermil sa dalanon sang Brgy. Rotonda samtang nagamaneho sang Brgy. vehicle, apang sunod nga ginluthang si Cabrido alas 3:45 sang hapon sa kapareho nga adlaw.
Ginpasiguro ni Peñaverde nga indi sila mag-untat agud nga maresolber ang kaso tubtob madakpan suno pa ang mga suspetsado ilabi na nga may ginatutukan na sila nga grupo nga posible may kahilabtanan sa duha ka insidente.