Putol nga lawas sa bata nga bag-ong gi-anak napalgan sa Maria Luisa Village Brgy. Busay Cebu City

Putol nga lawas sa bata nga bag-o lang natawo ang napalgan sa mga residente
sa Maria Luisa Village Brgy. Busay dakbayan sa Sugbo.

Ang patayng lawas sa bata nga naputol gitangag na sa iro sa dihang nakit-an
sa mga residenti kagahapon sa hapon.

Matud ni SPO1 Winston Ybanez imbestigador sa Homicide Section sa Cebu City
Police Office nga gisulod ang bata sa usa ka plastic bag .


Ang patayng bata, gibana-banang walo ka buwan ngadto sa siyam ka buwan
tungod kay kompleto na ang mga parti sa lawas niini.

Nakig-alayon na ang Homicide Section sa tagdumala sa Maria Luisa Village ug
sa Barangay pagsuta kon kinsa ang inahan sa bata ug kong kinsa ang nilabay
sa bata sa kasagbutan .

Facebook Comments