QR CODE, NAG-UNANG REQUIREMENT ALANG SA MOSAKAY UG BUS!

31

General Santos City— Nag-unang requirement sa pagsakay ug bus ang QR Code. Nasayran nga adunay QR Code Scanner ang tanang mga bus company nga anaa sa Bulaong Terminal kung asa adunay silyo nga gina-butang aron masegurong walay manaug o musakay gawas sa terminal.

Sumala kang Jong Facurib, Terminal Adminsitrator sa Bulaong nga tanang mosakay sa mga bus ug van kinahanglan nga ma-scan ang mga QRcode alang sa pagpahigayon ug contact tracing. Unang gilauman niini ang pagdagsa sa mga pasahero hilabina ang manguli sa ilahang probinsya human nga nag-abli na ang mga border.


Dugang pamahayag ni Facurib nga wala nay kinahanglang i-presenta ang mga pasahero gawas sa ilahang mga QR CODE. Sa karon, Gensan, South Cotabato ug Sultan Kudarat pa lamang ang adunay byahe sa mga bus. Samtang sa Sarangani, ang Alabel pa lang ang may byahe sa van nga maoy nag presenta sa ilahang special permit padulong sa probinsya.(LVR)

Facebook Comments