Davao City- Gihulat pa sa Police Regional Office XI ang detalye sa pagpatuman sa Quick Response Code (QR Code) sa mga aplikante pagka-pulis.
Sa interbyu sa DXDC RMN Davao kang Police Brigadier General Filmore Escobal, PRO-XI Regional Director, pabor siya niini nga proseso sa recruitment aron mawagtang ang Padrino System kun palakasan o ‘backey-ay’ aron makasulod sa organisasyon.
“I subscribe to that idea para mawala ang bias sa recruitment ug ang makita lang ang QR Code,” gibutyag niini.
Segun ni Escobal, hugot niyang ipatuman sa PRO XI ilabina sa matag recruitment nga walay padrino system diin salaon ug pilion pag-ayo ang angayan ug kwalipikadong mga pulis.
Sa sestima sa QR Code nga recruitment, wala nay pangalan sa aplikante sa evaluation aron patas ug ang makita lamang ang performance niini.
RadyoMaN Aimee Guinita
