QUALIFIED THEFT | Kabulig sang poluy-an sa Brgy Baybay, Roxas City nga kawatan sang alahas, nadakpan sa Lemery, Iloilo!

Roxas City, Capiz- Natigayon nga madakpan ang 24-anyos nga kabulig sang poluy-an nga suspek sa pagpangawat sang mga alahas sang 37-anyos nga negosyante nga taga-barangay Baybay Roxas City.
Ini matapos ang ginpatigayon nga follow up operation sa bulig sang kapulisan sang Lemery MPS kag mga barangay officials sang Brgy Kapinyahan sa banwa sang Lemery.
Suno sa biktima, nagabalor sang P200, 000 pesos ang duha ka alahas nga ginkawat sang suspek lakip ang ATM card kag cash nga P30, 000 pesos.
Matapos ini nga gin-imbestigahan, nahibaloan nga ginprenda na gali sang nasambitan nga suspek ang mga alahas sa isa ka pawnshop.
Sa subong ini ang yara nakahunong sa lock-up cell sang Roxas City PNP kag natalana nga pasakaan sang kaso nga qualified theft.

[not an actual photo]

Facebook Comments