‘QUALITY EDUCATION MEANS QUALITY TEACHERS’| Dr. Nordy Siason ginpabugal ang estudyante nga nakadiskubre sang sarisa bilang bulong sa diabetes

5297

Ginpabugal ni Dr. Nordy Siason, Principal sang Iloilo National High School (INHS) ang nalab-ot sang ila estudyante nga si Maria Isabel Layson sa patag sang international research competition.

Suno kay Dr. Siason indi ini ang una nga higayon nga may nagdaog nga estudyante sang INHS sa nasambit nga kompetisyon.


“We are very proud kay Maria Isabel Layson kag sa iya parents.In fact, mga three years na nga sagunson nagadaog kita sa international research competition,” ang pahayag ni Dr. Siason sa interview sang RMN Iloilo.

Ang pagtuon ni Layson nga “Bioactive Component, Antioxidant Activity, and Antidiabetic Properties of Muntingia calabura Linn. An In Vitro Study” nasentro sa pagdiskubre sini sa potensyal sang sarisa bilang bulong sa type 2 diabetes.

Suno kay Siason, ang mga estudyante man mismo ang nagapili sang ila topiko nga pagatutukan sa ila research study.

Matapos ang research, ginakuhaan sang patent ang study nga ginapanag-iyahan sang estudyante para may ównership’ang iya panalawsaw.

Sa kadalag-an sang mga estudyante sa Iloilo National High School ginakilala ni Dr. Nordy Siason ang daku nga papel sang ginikanan nga nagahatag sang suporta sa ila kabataan lakip man ang mga de kalidad nga mga manunudlo kag sa bulig man sang mga stakeholders.

“For me quality education means quality teachers… so ang aton mga maestra nga nagatutok sini amo ni ang kinahanglan naton subong sa DepEd. Ang mga teacher nga nagatutok para ma-expose ang kabataan kag madevelop ang mga skills nila… Kon may quality teachers kita we can really attain sining quality education nga ginatwag,”ang kabahin sang pahayag ni Dr. Siason sa interview sang RMN Iloilo.

Facebook Comments

From Advertisers