TALISAY CITY, NEGROS OCCIDENTAL – Isa ang patay tatlo ang nasamaran sa natabo nga aksidente kon diin nakabunggo ang Racal nga ila ginasakyan sa na-aberiya nga truck nga kargado sang kalamay pasado las 9 Sabado sang gab-i sa Circumferential Road ukon boundary sang Talisay City kag Bacolod City.
Nakilala ang napatay nga iloy amo si Lorena Navarosa, 45 anyos sang Barangay Guimbalaon, Silay City matapos ini ang nakaagom sang pilas sa ulo.
Pilason man ang bana sini nga si Erenio Navarosa nga amo naga-maneho sang Racal lakip man sanday Diane Parreño, 33 anyos sang Tabunan, Bago City kag Gilda Palabrica.
Magapauli sa ciudad sang Bacolod ang mga biktima sang natabo ang aksidente.
Ang mga biktima padayon nga ginabulong sa Corazon Locsin Montelibano Memorial Regional Hospital ./dyHB BACOLOD
