Radaza nasubo sa linoog nga pagpatay sa dalagita

247

Isip usa ka inahan nasubo si Mayor Paz Radaza sa gidangatan sa usa ka 16-anyos nga dalagita nga linoog nga gipatay ug gipanitan pa gyud ang nawong sa dakbayan sa Lapulapu.

Gihulagway ni Radaza nga linoog ang pagpatay ni Christine Lee Silawan, ug nakapangutana kini kung giunsa kini pggbuhat sa mga suspek .

Giangkon ni Radaza nga naglisod siya sa pagpagawas dayon ug pahayag labot sa hitabo tungod kay di siya gusto nga makadugang sa kagool sa pamilya ug iyang girespeto ang pagbangutan niini.

Subay niini gisalig ni Radaza ngadto sa kapolisan ang dinailiang pagsulbad sa krimen aron mahatagan ug hustisya ang kamatayon ni Silawan samtang ang himoon sa syudad mao ang pag-ayuda sa nagbangutan nga pamilya .

Facebook Comments