Naghiusa an mga kadagkuan sa Phil. Drug Enforcement Agency ug Regional Office sa Bureau of Jail Management and Penology sa pagpahigayon nan isa ka raid ug inspeksiyon suyod sa Surigao City Jail.
Sa nakuha na impormasyon nan RMN gikan sa Jail Warden na si Jail Inspector Diovin Auza, sajo sa buntag tagpahigayon an inspeksiyon na kon diin tagpanguyuhan nila ni Atty. Rambo Quico nan PDEA ug Jail Senior Supt. Ester Pepito nan BJMP Regional Office. Hinoon sa amo na Operation Greyhound, wayay nakuha na mga mahait na hinagiban ug illegal na droga suyod sa mga selda.
Dugang pa ni Auza, surprisa an amo na inspeksiyon para sa pagtino kon may mga nakalusot na mga kontrabando suyod sa prisuhan ug maradjaw na wayay mga nakuha. Gani an susama na Operation Greyhound an hapit kada adlaw isab nila na taghimo suyod sa City Jail adton nosugod sija pag-inkod isip City Jail Warden.
