Kalibo, Aklan – Daywa rong nahabun-an matapos nga magtuhaw rong rambol kaina it aga-aga sa Jaime Cardinal L. Sin Avenue, Andagao, Kalibo, Aklan.
Rong mga biktima nakilaea kanday Regie Baltazar, 34-anyos it nasambit nga lugar nga nakaangkon it tama sa dughan ag si Benjie Amaro, 21-anyos it Rizal St., Poblacion, Kalibo kung sa siin naga ungot pa rong siyaw sa anang kilid tag gin daea sa hospital.
Samtang ro mga suspek hay uwa pa makilaea.
Sa report it Kalibo PNP nga may nagtawag kanda naga imporma nga may natabong rambol ag bueon-an sa lugar kung sa siin insigida nga gin verify ag pag-abot sa lugar hay nakapaeagyo eon ro mga suspek samtang rong mga biktima hay hadaea man eon sa hospital it mga bystander sa lugar.
Na recover it mga kapulisan rong tagob it siyaw sa lugar nga nagahaba it kapin 10 pulgada.
Gina sugid nga nahabue-an it video ro nasambit nga insidente ag padayon ra makaron nga ginatutuokan it mga kapulisan para nga makilaea rong mga suspek.
