Rank No.4 sa listahan it mga wanted persons sa Ibajay, arestado sa Makati City

183

Kalibo, Aklan — Arestado rong ginakabig nga Rank No. 4 sa listahan it mga wanted persons sa banwa it Ibajay sa Makati, City.
Ro nasambit nga akusado nakilaea kay Gilbert Solera Tumbagahan, 42-anyos, native it Brgy. Regador, Ibajay pero presente nga naga istar sa Dayap, Calauan, Laguna ag naga trabaho bilang freelance crew it RSVP Films sa Makati City.
Natigayon nga maaresto it mga taga Aklan PPO Trackers, PIB Aklan PPO, Southern CIDG ag Ibajay PNP kahapon pinaagi sa bisa kung warrant of arrest sa kasong two counts of rape nga may Criminal Case No. 9437 ag 9438 nga may petsang July 12, 2010 nga gin issue ni Hon. Judge Sheila Martelino Cortes it RTC Branch 3.
Uwa it gintaeana nga piyansa rong korte para sa anang temporaryong kahilwayan.
Sa makaron hay una sa kustodiya it Southern CIDG si Tumbagahan ag nakataeana nga iga turn over sa korteng natungdan.

Facebook Comments