Rape suspect gilimod ang nahitabo sa 6 anyos

110

Davao City – Wala miako sa mangilngig nga nadangatan sa sais anyos nga batang babaye ang rape suspek.

Hugot gilimod sa suspek nga si Limar Cano, 20 anyos, ulitawo, lumad nga taga-Samal, ug nag-abang sa kilometer 13 Sasa ning siyudad nga siya maoy nagpatay sa bata nga si alyas Michelle kinsa gituohang gilugos una patya.


Subay ani, andam magpakuha og specimen sa kinatawo ang suspek aron mutindog lamang ang iyang pagka-inosente sa krimen.

Nasayran nga wala pa’y gihawirang lig-on nga testigo ang kapulisan aron magduot sa suspek sa krimen.

Gani, hangtud karon wala pa makaduso og kaso ang sasa pnp kang Cano sanglit gipaabot pa nila ang medico legal nga nagproseso sa specimen sa likido nga nakuha gikan sa biktima.

Gisikop sa kapulisan si Cano base sa testimonya sa pipila ka tawo kinsa nakakita sa suspek nga maoy nagdala sa bata sa wala pa makit-i sa dagat ang biktima nga wala nay kinabuhi.

Ug dugang pa niini, ang lama sa dugo sa banig nga nakuha sa kapulisan gikan sa kwarto nga giabangan sa batan-on sa maong lugar.

Apan ang mga ginikanan sa bata dako ang pagtoo nga si Cano ang mihimo sa krimen.

RadyoMaN Joel Viray

Facebook Comments

From Advertisers