Davao City – Ipresenta sa korte karong adlawa ang naarestong bokalista sa usa ka banda kinsa nag atubang og kasong lugos.
Sa pakighinabi sa media kang National Bureau of Investigation (NBI-XI) Assistant Regional Director Exzel Hernandez nga human sa hapit mag duha ka tuig gikan sa pagkahitabo sa insidente ilang nadakpan ang suspek niadtong March 23, 2018 subay warrant of arrest nga gipagula sa Davao City Regional Trial Court Branch 11.
“Somehow he had a knowledge that he got charged for this crime, maybe he believed that the charges did not prosper, but by the issuance of the warrant we were able to determine his whereabouts then he got arrested,” sumala ni Hernandez.
Matud ni Hernandez nga nahitabo ang krimen niadtong Mayo sa nakalabayng tuig.
Gipasang-at ang kasong rape batok sa suspek niadtong Pebrero 27,2018.
Sa pikas bahin gilimod ni Pacatang nga nanlugos siya sa biktima nga nurse ug wala siya kaila niini.
“Dili mi kaila sa complainant. Dili ko muangkon kay kahibalo ko sa nahitabo ato,” sumala ni Pacatang.
Sumala sa suspek nga muistorya lamang siya sa iyang kabahin kung anaa na ang iyang abogado.
“As much as I want to give my side gusto nako naa pod koy legal counsel,” matud ni Pacatang.
RadyoMaN Aimee Guinita
