![123336391_2861857650757273_2863464290672754781_n.jpg](https://i0.wp.com/rmn.ph/wp-content/uploads/2020/11/123336391_2861857650757273_2863464290672754781_n-1.jpg?resize=696%2C522&ssl=1)
General Santos City–Makonsiderang notorious nga rapist ang suspek nga si Merston Mocodompis, 40 anyos nga residente sa Zone 8, Brgy. Bula ning dakbayan sa Gensan, kini subay sa pahayag sa kapulisan.
Pamahayag ni Police Lt. Omar Baret, Deputy Station Commander sa Bula PNP nga adunay laing kaso sa pagpanglugos sa Balut Island ang suspek ayha kini maka-abot sa dakbayan ug posibleng diri lang kini nagtaguan.
Dugang sa opisyal nga sa kasamtangan, ilaha pa usab ginasuta kung nahilambigit sa illegal nga droga ang suspek apan subay sa naunang pag-angkon niini, lango kini sa ilimnong makahubog dihang uwheng gihilabtan ang biktimang 6 anyos.
Dugang pamahayag ni Lt. Baret, samtang anaa sulod sa investigation room ang suspek uban ang personahe sa WCPD, gi-ilugan ug armas sa suspek ang usa ka babayeng Police. Dihang ilaha matud pang gi-respondihan, una silang gipabuthan sa suspek rason nga igo lang silang mibalos nga nahimong hinungdan sa kamatayon niini. (LVR)