Pagadian City – Sa nagsingabot nga adlaw sa kapaskuhan lain-laing modus ang nitumaw sa syudad sa Pagadian, diin nagpangagot pa sa ngipon nga midangop sa buhatan sa kapulisan ning syudad ang usa ka negosyante human kining nailad alas 7:30 kagahapon sa buntag gamit ang carabao.
Gibutyag sa biktima nga si Robert Tumanday 44 anyos, negosyante og lumulupyo sa Purok Lawis, Sta. Lucia district nga usa ka lalaki ang nitanyag kaniya og duha ka carabao sa kantidad nga P70 mil.
Nahaylo ang biktima kay nagpakiluoy man kini kaniya ang lalaki nga naadmit matud pa ang ginikanan niini,dala sa bul-og sa kalooy gihangyo sa negosyante ang lalaki sa kantidad sa P50mil bugti sa duha ka carabao, walay langan misugot ang nagpatuong tag-iya sa carabao.
Gisubay sa mga sakop ni Robet ang maong carabao sa Brgy. Bulanit, Labangan, Zamboanga del Sur.
Human sa pagsuta gitahag dayon sa negosyante ang kantidad nga P50 mil, pipila ka oras ang nilabay wala na magpakita ang nagpatuong tag-iya sa carabao karung adlawa nasuta nga ang maong tawo nga ka transaksyon sa negosyante diil diay tinuoray nga tag-iya sa maong carabao.
