Registration ng 9 million low-income individuals para sa National ID, sisimulan na ngayong araw

170

Uumpisahan na ng Philippine Statistics Authority (PSA) ang registration para sa Philippine Identification System (PhilSys) ngayon.

Ayon kay PSA Chief National Statistician Dennis Mapa, sisimulan ang step 1 ng registration kung saan kukunin ang sampung demographic information ng mga registrants.

Tutukuyin ang mga rehistrante, gamit ang ‘listahanan’ ng Department of Social Welfare and Development (DSWD).

Sa ilalim nito, magbabahay-bahay ang PSA enumerators para kolektahin ang pangalan, kasarian, petsa ng kapangakan, lugar ng kapanakan, address, citizenship, marital status, cellphone number at email address.

Nasa siyam na milyong low-income household heads ang una nilang iparerehistro sa PhiSys.

Sinabi pa ni Mapa na magsisimula ang step 2 ng registration sa November 25 kung saan kukunin ang biometric information tulad ng iris scan, fingerprints at photograph.

Ang step 3 naman ay magsisimula sa 2021 at dito na sisismulan ang pag-iisyu ng PhilSys number at ID.




Facebook Comments